සෙත් කවිය
දෙරණ ලක ලැබ සකල සවිබල , නැවත පෙර ලෙස සුබල වේවා !
පිරුණ පීඩාවන් නිමාවී , නිදහස්ව දිවි පහන් වේවා !
සුගුන දන එකමුතුව අතදුන් , මහරු පින්බිම යළි දිලේවා !
සරණ දෙවි රැකවරණ නිතියෙන, සකල ජන කැල වෙත ලැබේවා!
ලකල බෝසත් බවින් පොහොසත් සතර බඹ විහරණ දකීවා!
සකල උවදුරු නොපැතූ තුන් බිය සමු ලබා ඉවතට ඇදේවා !
සුපුල හදවත් පිරුව මිනිසත් සුවය මෙලෙසම නිති රැකේවා !
සරල සුන්දර ලතෙත් ගුණයේ හදගැස්ම ලොවටම දැනේවා!