ඇසළ සඳ නැගේ පෙරඹර වෙහෙර වෙත ඇදී එම වර හද ගැබේ වඩා බුදු ගුණ වඳිමු පා බැතින් කුමරුවන් උතුම් සිදුහත් මව් කුසේහි පිළිසිඳගත් දිනේ අද තමයි සිරිබර සිතට ගමු එයත් පස් වග මහනුන්ව සොයා වැඩම කෙරුව තිලොව පියා මුල්ම දහම් දෙසුව අයුරු මතකයට ගමූ අඹ රුක් මූලයෙදි එදා පාල යමා මහ පෙළහර තීර්ථකයො දමනය කළෙ මෙවැනි පෝ දිනේ තව්තිසාව වෙත වැඩලා මාතු දෙව් රජුන් හමු වී දහම් දෙසා ඇත්තෙත් මේ උතුම් වූ දිනේ මෙවන් කරුණු සිහිපත් කර තිදොර සොඳින් පිරිසුදු කර වඳිමු තිලොව සෑසි පියා පතා අම නිවන් Photo credit; Guzmán Barquín