ඇසල සඳකැන් දිගේ
බැලූයෙමි අහස් කුස
දිටිමි ඒ ඇසල සඳ.
මෙල්බන් අහස් කුස තුල
නොදිටිමි කිසිදු වෙනසක්.
චන්ද්ර වංශ සංස්කෘතියක්
අපවටා ඇති හෙයින්
නෙත් යොමන විට සඳ වෙත
පෙනෙන්නේ බොදු ඉතිහාසයයි.
බලත පස් මහ බැලුම්
දිටී ගුණ පිරි මායා මවුන්
වඩිති පොලවට අප මහ බෝසතුන්
ඇසල සඳ කැන් දිගේ.
සොඳුරු බිම්බාවන් අතැර
සිඟිති රාහුලයන් අතැර
වඩිති වනයට අප මහ බෝසතුන්.
ඇසල සඳකැන් දිගේ.
බරනැස ඉසිපතන මිගදා වන අසල
නහවමින් ලොව කුළුණු ගුණ පතල
දුරලමින් සසර දන සිත් කසල
හඬවමින් අමා දම් බෙර නද
කුළුදුල් දම් දෙසති නව බුදුන්
ඇසල සඳකැන් දිගේ.
Photo Credit; Yuki Ho
කවිය බලන්න
