අඩ සියවසක් ගෙවී ගියද, අම්මේ ඔබ මතකයෙන් නොමැකේ. සෙනෙහසින් පිරි ඔබේ සිනහව, අප හදවත් තුළ සදා දිලේ. දුක් දරා අප ලොකු කළේ, දිවි මඟට ආලෝකය දුන්නේ. දයාව, කරුණාව, ඉවසීම කියා, යහමඟ අපට පෙන්වා දුන්නේ. කාලය ගෙවුණත් සෙනෙහස නොගෙවේ, අම්මේ ඔබ අපේ හදෙහි ජීවමානයි. ඔබේ ගුණ සුවඳ සිහි කරමින්, අදත් අපි ඔබට කෘතඥ වෙමු. පින්බර සිතින් එක්වී අද, මහ සඟරුවනට දානය පුදමු. ඒ උතුම් කුසල් සියල්ලම, ඔබ වෙත පිං ලෙස අනුමෝදන් කරමු. මේ පින් බලයෙන් දුක් නිවී, සසර ගමන සුවපත් වේවා. උතුම් චතුරාර්ය සත්‍යය අවබෝධ කර, අමා මහ නිවනින් සැනසී වේවා. අම්මේ, ඔබේ නාමය සදා, අපගේ හදවතේ පුදසුනක දිලේ. සෙනෙහෙබර පුතුන්ගේ නොමියෙන ආදරය, සදාකල් ඔබ වෙත පිදේ. "ඉදින් මේ දානමය, සීලමය, භාවනාමය සියලු පුණ්‍ය ධර්මයන්ගේ ආනුභාවයෙන්, අපගේ ආදරණීය මෑණියන්ට මේ පින් අනුමෝදන් වේවා!!!! ඇය සසර දුකින් මිදී, උතුම් වූ අමා මහා නිවනින් සැනසීම ලබත්වා!"