දත යුතු කරුණු ගොමුව - 28 කවි යුග පෙරලිය-36 556. මල්වල ගමෙහි තොරතුරු පිළිවෙතක තියා සමනල ගැයූ කවි හදවත් තුළට ගියා කවිමල ගොතන්නට වෙසෙසි ව කෙනෙකු නියා සමනල යමු කළල් ඇල්ලට “ කවිය” සොයා 557. පේමානන්ද හිමි ලෙස කසවතෙහි සිට ඉගෙනුම කළැයි පැවසෙත සඟ පියස සිට කරමින් සසුන දියුණට - වැඩ දැයට - රට ගෙවුණා කලක් කවිකම හුරු - පුහුණු - වට 558. පත - පොත පැරණි ඇත තවමත් රුවන් පුරේ වත - ගොත මොහුගෙ මහ ඉහළින් වැණුම් කෙරේ ගත - සිත නොබිය දැන “කවි බස් සටන්” හුරේ දත - කට පියැවුණයි දෙසවන් වැදුණු සැරේ 559. මතකය අලුත් කරවයි තව කෙනෙකු ගැන කවියට උපන් හපනෙකි “සඟ පුතකු” වුණ “කුට්ටාපිටියෙ හිමි නම” පිළිබඳ ව ගුණ වරදක් නොවේ “පේමානනදට” ද තැන 560. “කවි යුග පෙරළියක්” කළ මහ සද්ධන්ත කවි “ ඇත් රජකු” සේ පිළිගත් බව ඇත්ත කවි සුරනක ලෙසින් “කේයස්” නම ගත්ත “කවි කිරුළ ම පැළැඳි” ඔහු රට පිළිගත්ත 561. මොහු වැනි කඩු හරඹ කළවුන් කවි සටනේ සෙව්මුත් හමු වුණේ නැත පත-පොත අරණේ කියුමට පැසැසුමට කවරකුගේ සරණේ ගැයුමෙන් සැනසෙමු ද හිතවත අප දෙරණේ 562. පෙරදිග - අපරදිග රටවල කවිය නඟා සුරග`. දිගට කවි පද වැල් කෙමිය රඟා වෙරගෙන රැගෙන ගිය යුගයක පෙරළි දඟා ඉතිරුණු “ කවි කොළය” බි`දුණි ද නොවී ළඟා 563. කවි ගස අරටුවක් ලෙස හද තැබූ තම සවි බල ගැසී පුරුකෙන් - පුරුකයට දම අවි ලෙස පද පෙරළි අමුණා රසින් අම රවි රැස පරිද්දෙන් පැතිරුණි ඔහුගෙ නම 564. එපමණකින් නොනැවති පරපුරක් හැදූ දැනුමෙන් උගත්කම දිදුලන පහන් බඳූ කවියන් එ ම`. ගිය පද මල්වලින් වැදූ එඩියෙන් තරමට ම අබිමන ලෙසින් කඳූ 565. කොළඹට නුදුරු ගමකට සිර වෙලා කලක් තිබුණට නුහුරු-නුපුරුදු තැන දිවියෙ පැලක් සබයට පිවිසි පසු දන දැන නැමුණු සිතක් වරදට මිස නැතේ නොනැමුණු නැමැඳ හිසක් *** 2026.05.01