එල් නිනෝ බිය දනවන රාත්‍රියේ සිත සසලන චිත්ත සංකාවන් අකුරු කරන්නට තනමි හදිසියේ .. නොඉඳුල් තොල් පෙති අතරින් උදුරාගත් සිනාව සුදු සාරියෙන් වසා කෙස් තනි කරලින් ගොතා සිත දැඩි කරගත් මොහොතේ යශෝරාවයක උපත සිදුවේ කුරුළු කැදැල්ල සුනු විසුනු කර සඳ අහසින් අයින් වුන වේදනා දරා දරු දෙදෙන මැද දොර නැති නිවසේ මන්නයක් සුරතින් ගෙන නිදා නොනිදා රැය පහන් කරයි තනිවම නාඳුනන අයගේ සළුපිළි නිමවමින් රළු දිවි කතර ඇවිද ගිය දිළිඳු පියෙක් වූ සන්නාලියනේ සන්නාලියනේ... දෙව්ලොව සිට දුටුවද ඔබ ලක් පොළව මත නන්දා මාලනී දිරිය දියණියගේ හඬ ආශ්චර්යයක් ලෙසින් සරස්වතී දෙව් වරම් ලබමින් ඉන්ද්‍ර ඛීලයක් ලෙසින් දිනෙන් දින ගොඩ නැගෙන දිවි අන්දරය 26.08.2026