ආචාර්ය නන්දා මාලිනී මහත්මියට මෙම පද වැල් උපහාරයක්ම වේවා! කුරුටු ගෑ ගී පොතේ නුඹේ ගී දස අතේ නුඹේ හඬ අද නැතේ සිහි වෙද්දි දුක සිතේ උපතෙ සිට ජීවිතේ නුඹ සිටියා ගී පොතේ කඳුළු පුරවා නෙතේ දරා ගමි නුඹ සිතේ අරලියා ලන්දක සුමුදු සුව දෙන යහනක ජීවිතේ කවියක නොසිටියේ නුඹ කොතැනක සඳ කිරණ නුඹම විය ගණ අඳුර එකළු කළ ... ඉරුණු හද රුවල් නැව සුරැකුවේ නුඹ එකල .. නුඹම විය ලන්දෙ පිපි සොඳුරු අරලියා මල... පවන නුඹ ගී රසින් හද විලම සිසිල් කළ... ජීවිතේ ගී පොතම නුඹම වූ හින්දා... හදවතේ පතුලින්ම නුඹේ ගී වින්දා... නුඹත් ඉවසුවා බෝ ගැරහුම ද නින්දා... අමා මහ නිවනින්ම සැනසෙන්න නන්දා...