ඔබයි අම්මා..............
මිහිමඬල අහස්ගැබ
බබළවා එලිය කළ
නොහිම් පින් කෙත
ඔබයි අම්මා
සතර බඹ විහරණය
දෙගොඩ තලමින් ගැලූ
මහා ගංගාව
ඔබ අම්මා
කරදියෙන් ගොඩ යන්න
දිවිපුදා උර දුන්න
උතුම් පුතු වැන්ඳ
ඔබ අම්මා
අපේ ජිවන මඟේ
මහා පන්දම් වැටේ
උඩින් පෑයූ සඳයි
අම්මා
කුලුණුබර හදේ රැස්
මාලාව ගිලිහුණා
පෑ සෙනේ ඒත්
නැත නිම්මා
ආදරෙන් එදා දුන්
සොඳුරු උවදන් අදත්
රාව ප්රතිරාව දේ
පෙම්මා
මෑණියනි අගෙයි ඔබ
එදාටත් වැඩිය අද
කෙසේනම් කෙසේ
වෑවෙම්මා
දෙව්තලය ඔබතුලය
ඔබට හිමි සුව යහන
ලෙස පතා අදට
සැනසෙම්මා
සසර ගෙවනා තුරා
සතර මඟ සතර පල
දකිනතුරු ඔබයි
මගේ අම්මා
කවිය බලන්න
