යුධ බිය දුරු වේවා !!!
කෙනෙකුගේ කුරිරු සිත
බීජය වේ මුල්ම
එම සිතේ ජනිත වන
මානය අධික සිත්
බල ලෝබයෙන් අධික
සිත් සතන් බල කරයි
යුද්ධයේ ඇරඹුමට
කුරිරු වූ එම සිත
තව තවත් සිත් තුළ
පැල කරයි බීජය
කුරිරු සිත් ඇතිවන්න
රැස් වන්න එකමුතුව
එලෙස රැස් වන පිරිස්
යුධ පිටිය ලෙස සැදෙයි
යුධ පිටිය තර කරයි
ළමා ළපටීන් අහිංසක
මවු වරුන් තුරුල්ලේම
පාසැල්වල ළමයි
රෝහල්වල ලෙඩුන්
දිවි සැරිය දුරු කරයි
යුද්ධයේ අනුහසින්
අසාධාරණ වූ ලොවක්
හැරදමා නික්ම යයි
මෙත් සිත් වඩන්නට
කරුණා සිත් ඇතිව
ඇයිද බැරි මිනිසුන්ට
ඇත සැබෑ අයිතියක්
සාමයෙන් සමගියෙන්
දිවි පෙවත ගෙවන්නට
සියලු සත්වයන් හට
දුරු වේවා යුධ බිය
මේ ලෝක තලයෙන්
කවිය බලන්න
