දුටුවත් රුව වගේ පත්තිණි..
වරද දුටු සැණින් කාලි යක්ෂණි..
ඉවසීම රත් වී ගලන දවසට..
සොහොන් ගැබ මැද කාලි රංගණි!

​සිනහවෙන් මුව වසන පත්තිණි..
ගින්දරින් ලොව දවන කාලි රුක්මණී..
ඉවසීම තිතක් වුණ සැණින්..
සොහොන් බිමක රඟන කාලි භෛරවී !

​බැලුවොත් සුවඳ මල් පත්තිණි..
කැපුවොත් ලේ පිපාසිත යක්ෂණි..
වැන්ද පින්බිම නපුර දුටුවිට ..
අළු කරන්නට උපන් සොහොන් කාලි යක්ෂණි..

​පත්තිණි රුවට පෙනෙනා..
වරදට කාලි උපදිනා...
ඉවසීම නිමවූදා..
රගයි කාලි යක්ෂණි...

මුදිතා ඩයස්
කොට්ටාව