ෆ්ලෙක්සිබල් නන්දිනී
වචනෙකට බැල්මකට පුලුවන් අපොයි මිනිහෙක් මරන්ඩ
රසට රස ගීතයක් වයනා හදවතේ තත් සිඳින්ඩ
නීතියට ආගමට ඉහළින් හද සාක්ෂිය තියන්ඩ
කොහොම කිව්වත් මිනිස්කම ළග නන්දිනී නම් සරෙන්ඩ
අන්දකාරේ පහන වාගේ නන්දිනී නිති දැල්වුණා
කන්ද පාමුල ඇගේ පැල්පත ඇග හිනාවෙන් එළිවුණා
"රණ්ඩු මොකටද හෙට මැරෙන මට" කියන ඇය පස්සට යනා
ෆ්ලෙක්සිබල් නන්දිනී සමහර ඇසට, කටු අකුළක් වුණා
'එම්පතී" නම දන්නෙ නැහැ ඈ අලුත් තාලෙට කියවෙනා
ඒත් කාගෙත් දුක අහද්දී බඩේ ගින්දර ඇවිළුණා
"මම කරන දේ මට තියෙයි නිති" ඇගෙ තීම් එක එය වුණා
කාගෙ කාගෙත් පිරිපතේදී නන්දිනී මතකෙට එනා
සල්ලි මැසිමක් උනොත් ජීවිත, අනේ ඩිංගක් හිතන්ඩ
හන්දියේ මැද බැංකුවක් වී ඔබට පුළුවනි හිඳින්ඩ
ඉං එහා ගොස් සතුට සැනසුම ආදරේ රස විඳින්ඩ
නන්දිනී ඔබෙ හදවතේ මැද ඉන්නවා දැයි බලන්ඩ
කවිය බලන්න
