නිසල විල දිය සලල වූයේ හබල් ගැටෙනා ලයේ පමණයි නිහඬ නුඹ විල් දිය ද පරයා ඒ තරම් නිසලයි විලක් වුව මේ තරම් නිසල ද කියා සිත විමසයි හදක් විල පරයනා තරමට ගොළු ඇයි ද නොහැඟෙයි ඇළ දොළ ද ගඟ සමුදුර ද දිය ඇලි ද පෙම හඳුනයි කිසිදු මොහොතක නොවී නිසසල රැලි නඟා හිනැහෙයි සිහින වියැකී මහද සසලයි බිඳුණු ලය රිදවයි බලා හිඳ මට විඩා දැනුණ ද එය හුරුයි සොඳුරුයි 2026.07.28 ( ජංගම දුරකථනය අළුත් වැඩියා කර ගැනීමට ගොස් කල් මැරූ කාලය ප්‍රයෝජනයට ගෙන පිටකොටුවේ "සිටි පැරඩයිස් වෙළඳ සංකීර්ණයේ" බංකුවක් මත සිට ලියූ පදවැලකි) Photo Credit; Lee Soo hyun