හිරු නැවත පායන්න
හිරු නැවත පායන්න
අඳුරු ජීවිත බිමට
පොද වැස්සකින් බරව
අලුත් මල් පුබුදන්න
පිපෙන සඳ මඬල වට
තාරකා කටු ඇනී
රිදී පාරයි රැයේ
මුතු කඳුළු බිඳු වැටේ
ගන අඳුරු පට ඉරා
හිරු නැවත පායන්න
රුදු යක්ෂ නිහඬ හඬ
අසුණෙකිනි බිඳ දමා
මියුරු හඬ ඝෝශාව
නැග එන්න ඉඩ දෙන්න
කළු වළා අලු දවා
හිරු නැවත පායන්න
මල් වරණ තුරු සිරස
මතින් ඔබ පායන්න
ගිනි පුපුරු වී දැවෙන
කඳු උඩින් පායන්න
පොද වැස්සකින් බරව
තැනි බිමට පායන්න
මල් නගන වසන්තය
රැගෙන හිරු පායන්න
කවිය බලන්න
