බලා හිඳීමත්.. ප්‍රේමයක් නම්... ♥️

බලා හිඳීමත්.. ප්‍රේමයක් නම්... ♥️

නදී ශානිකා මහනුවර

විසුල අහසක ඇඳි රටාවක පෑයු තරු කැට දිලෙයි මනරම්.. ඈත දවසක නෙත් ඉසව්වට වැඩිය ඔබ සිත කලා සොරකම්.. ගැහෙන හදවත අස්සෙ ගුලි වුන නුහුරු හැඟුමට කරලා සරදම්.. අහම්බෙන් සිත අරා ගොඩවුන වසත් කල ඔබ වුණා මට නම්.. ඔබ නමින් සිත වැඩුනු හැඟුමට කලා ආලය ඇස් පියන් මම්.. හදේ ප්‍රේමය සුළඟ අත ඔබ වෙත එවන්නට කලා කවිකම්.. ඔබේ ආදර එකදු වදනක පහස ලබනට මග බැලුවෙ මම්.. සිත අවුස්සන හැඟුම් දී ඔබ ඇයි ද මා ළඟ නිහඬ මෙතරම්.. රිදෙනවා හද පෙමින් ඉතිරුන ඔබට මා සිත නොතේරේ නම්.. හදවතට මගෙ එබී බලනට සිතුවෙ ඇයි ඔබ පෙමක් නැතිනම්.. ප්‍රේමයට ලොව දෙන අරුත් මැද බලා හිඳුමත් ප්‍රේමයක් නම්.. කල්පයක් වුව ඔබ නමින් කවි ලිය ලියා මම බලා ඉන්නම්..
කවිය බලන්න