යදින කිරි
තෝනිගල කඳු ඉමේ
පිපි කරබ
මල් කැකුළ
හිරුට අවනතව පෙති
විහිදුවන
හැටි ඔන්න
වියළුව ද කඳුළු ඔබේ
කිරි යදින
තනපුඩුව
නගින පියගැට පෙළේ
අරලියා
මල් පොකුර
කිනිත්තට බර නොවී
පාව යන
හැටි ඔන්න
වියළුවද කඳුළු ඔබේ
වීදි පිස
හමන නළ
කටාරම් කෙටු ලෙනේ
බුදුපුදට ආ
කුමුද
සඳුට අවනතව පෙති
විහිදුවන
හැටි ඔන්න
වියළුවද කඳුළු ඔබේ
හිස්ව ගිය
මහ ගෙදර
සැනසෙන්න ටික දුරයි
නාටකයේ
තව ඉතිරි
Photo Credit; Simon
කවිය බලන්න
