දඟකාර පුතුනේ
සුරලොවින් මගෙ කුසට
පැමිණි පොඩි කුමරුනේ
හදවතින් බැදුණු හැටි
මතකයේ තව දැනේ
කිරි බිංදු මුව අගින්
වැටෙන හැටි කදිමනේ
සෙනෙහසින් රැගෙන තුරුලට
රැකගතිමි පන ලෙසේ
බිඳෙන් බිඳ ලොකුවෙලා
පොඩි චණ්ඩියෙක් වෙලා..
හුරතල්ම වදනකින්
හැම හිතම සොරකම් කළා..
ආදරේ හැමවිටම පෙන්නුවා දුර බලා
හදපුරා එන හැගුම් තව මතක
එක් කළා....
සුදු පුතේ ජීවිතය දිනා මතු දිනක
අම්මගේ ආදරය තියා හද කොනක
අප්පච්චිගේ සතුට දෝරෙ ගලනා විටෙක
ඒ කඳුළු පිසලන්න එන්න මගෙ මැණික....
කවිය බලන්න
