මල් කැකුළක් පිපී......
ඇයගෙ ජීවන උයනෙ සෙව්වන්දියක් පිපිලා
පුංචි මල් පෙති විහිද පිපෙන්නට
සිත් සැදිලා
දඟකාර පුංචි මුව කිරි සිනාවෙන්
පිරිලා
නිවස තුල සෙනෙහසක සිනාවෙන්
මල් පිපිලා.
නිල් අහසෙ පාවයන වළා ගැන
කියන්නම්
පෙළොවෙ රැඳි තුරු ලතා රහස
ගැන කියන්නම්
සරණ සියොතුන්ගෙ රස ගීත
ගැන කියන්නම්
මල් කැකුළෙ පාට මල් අතර
ඔබ තබන්නම්.
දෙපා මිහි මත තබා රැඳෙන හැටි
කියන්නම්
පුංචි කුරුලෙකුට සේ බත් කටක්
කවන්නම්
හිරු සඳුත් සෙනෙහසින් දකින්නට
කියන්නම්
සිතේ ඇති ආදරය ඔබේ ලඟ
තබන්නම්.
පුංචි විය තුල ඔබේ මිහිර අප
ලබන්නම්
සෙනෙහසින් ගත හොවා ආදරය
කරන්නම්
මතු දිනක ලොවට වැඩ ඇති විලස
සදන්නම්
පුංචි ඔබෙ දිවිය තුල සිහින මම
දකින්නම්.
කවිය බලන්න
