ගඟ තෙරක තඹරුවක්
සුදිලෙයි
කලල නැත සුපිරිසිදු
සමවෙයි
දුරක හිද කිරණ දැක
නතුවෙයි
එතෙර වෙන අයුරු තතු
පවසයි

සම්මතම ලියවිල්ල
සඟවයි
කම්පිතව නොමැති තැන
හඟවයි
ලම්බිතව දළ රළම
පරයයි
දම් කඳට නැඹුරු තෙර
දුරයයි

නින්දිතව ආව මඟ
හඳුනයි
සන්දියක නැවතුමම
සිරියයි
මං හැඳින ගංතෙරම
පරයයි
සුන් නොවන වංගියක
පැතුමයි

පින් කෙතක පිරි සුවඳ
සිරියයි
සංකරම බර අඩිය
සුමටයි
අංකරය නොදුටු ගුණ
සුවඳයි
අන්තරය සම වුනා
උතුමයි

පන්හිඳක තතු ඇහිලු
අරුණයි
මින් නොඳුටු රූ අසිරි
පියුමයි
මං පිරුව කුසල් මඟ
දුටුවයි
සල් වනේ සුවඳ තව
නුදුරයි

ඉනෝකා ප්‍රියංගනී ,,,🖊️