අනේ මන්දා..

අනේ මන්දා..

රේණුකා සුදර්ශනී ඉලංගකෝන් කිරිඳිවැල

බලන්න ඔය ඇඳුමක හැටි කරත් කැපිලා ගැඹුරට පිටත් පේනවා තව හා...හා... නෙරියෙන් හරි වහගන්න බැරිද ඔය බඩ. වහින වෙලාවට උස්සන් යන්න එපා සාරිය හුඟක් ඉහලට ඔහොම ඒක හරි නෑනෙ ගෑනියෙකුට. යාලුවෝ කියලා ඉන්නේ පිරිමි විතරයි ද ඇත්තටම දැක්කොත් සිරික්කිය! ලොකු දරුවොත් ඉන්න අම්මෙක් නේද ? ඔය සාය, හැට්ටෙට මිනිස්සු හැරිලා බලයි අඳිනව නම් ඇඳුමක් ලස්සන දෙපතුල් ගාවට. (අනේ මොකටද මගේ කට!) අත් කැපුවාම ඇඳුමක ඇඟ පේනවානේ එලියට (ඒ එබි එබී බැලුවොත් නෙ) කරාඹු මාල වළලු මොන තොරොම්බල් ද? එංගලන්තෙ මහ රැජිනට වත් නෑ මේ හැටි වයිවාරන්න සපත්තු. සාරිම අල්මාරි නම් කීයක්ද? මොනවටද ඔයහැටි මෝස්තර අපරාදේ වියදම් කරන්නේ බොරුවට. (කාගෙවත් සල්ලියැ ඉතින්) හිනාවෙන්නෙ ඔයහැටි පිස්සුද? සින්දු කියන්න, නටන්න ඔහොම ලැජ්ජාවක් ඇත්තේම නැද්ද ඔය මොන නාඩගම් ද? (කවුරුත් යටි හිතින් අල්ලන සවුදම් කාටවත් නොපෙනෙන්නෙ හොඳ වෙලාවට) ඇවිදින්න, කන්න, බොන්න තව අටෝරාසියක් සිරා බිරා හැමදේම අනුන්ට ඕන විදියට. හුස්මක් කටක් වත් ගන්න අවසරයක් නෑ හිතුමතේට. උදාරයි කීවත් මේ රට ගෑනියෙක් වෙනව නම් ලබන ආත්මෙක හරි දවසක සියලු පින් පල දීලා වත් බාරි වෙයන් රත්තරනේ ඇස්කිමෝ පිරිමියෙකුට!!
කවිය බලන්න