පරපුරක හත්මුතු ගා දැලී
අවුළුවාලු දස දෙස වලී
මඩ තැවරු පද ගෙන නැටු බලී
නුබෙ මුහුණු පොත ගැන මැසිවිලී

රෙද්දෙ තම තුත්තිරි වැදී
නුබ නොදුටු තාලෙට නිදි වදී
වෙනත් වුන් කුණු බොට මදී
අපුල්ලාපිය නුබෙ රෙදී

මොළය ඔද්දල් සේ බෙබේ
ඔළුව වර්චස් වී තිබේ
චරිත අන්දොස් කළ සබේ
නුබෙ ටිකට් එක නොමිලෙම ලැබේ

සිතෙහි මිනිසත් කම දරන්
ලියාපන් අරුතක් පුරන්
මනස සරුවී ලෙස සුරන්
නමට හැඩවෙයි මල් තොරන්

ඔෂවා , කැනඩාව