නිමිත්ත..

නිමිත්ත..

වෛද්‍ය ගාමිණී මද්දුමගේ

( පරාජිත මැති ඇමතිවරු දෙවියන්ගේ පිහිට පතයි. අලුත උපන් දියණියක් කුඹුරකින් සොයා ගනී. 14 වියැති දුවක් මවවිසින්ම ගණිකා සේවයේ යොදවයි. එකම කාලාන්තරයක් තුළ ඇසුණු ප්‍රෙවෘත්ති. .......) *************************************** වංචා හොර මැද රජ කුල.. පොඩි අප යවමින් සිඟා. මංතිරිකම අහිමිව ගොස් .. එන විට පිරිපත හඹා. පිං දෙන විට අත් බැඳගෙන .. දෙවොලක හිඳ යාතිකා.. අන්දා ගන්නට හැකිවෙන .. දෙවියෙක් ඉන්නෙද සැබෑ. ******************************** හැංගී ඇළ දොළ දිය තොට .. ළඳුනගෙ රූපෙට ලොබා. ගැන්නී අහු මුලු වල ගෙයි.. සිත් වී කල භීතිකා. පැන්නූ පෙර ..ජප මතුරක ... ඇප නූලක ගැට තබා. දැන් කෝ ඒ යක් බූ කැළ.. මැකිලද උන්ගෙත් ප්‍රෙභා. ********************************* අම්මා නැලවිලි ගී කොට.. සුව නින්දක් මත තබා. වන්නා කොටහලු කිළිවල... මතු කොට ගත් රූපිකා. එන්නා කල මල් හී සර .. අරගෙන මලවිය නොබා. දැන් බෑ රැකුමට දූ ගෙයි .. වට කොට පිරුවට සුබා ******************************** රන් පා වල සළඹින් හළ.. කන් කළු නාදෙහි ඔබා. චන්ද්‍රාලෝකෙන් වැලි තල.. මත රැඟු පා තබ තබා. මන්දාකිනිවල සිට ගැයු .. නැලවිලි සුර ගීතිකා. දැන් නෑ ඒ සුරඟන කැළ.. රැකුමට සුරතල් බබා. Photo credit; Roman Melnychuk
කවිය බලන්න