වැස්ස වැටිලා...
සීතල පිනි බිංදු වැටෙනා රෑ තිස්සේ..!.
ඊතල රිදුම් දෙන පවනට තටු පිස්සේ...!
සෑ කොත් කැරළි කොණ බක්මී මල් බිස්සේ..!
පෑ සීතලට සියොළඟ දුණු හී ගැස්සේ...!
වැසි වට පවට දියකඳ රළු වී මෙලෙසේ.. !
නිසි කල ඍතු බෙදුම ඇවැසිව ඇත පෙරසේ...!
කිසි ලෙස පරාජය නොලබන සිත විගසේ...!
දිසි දසුනකි දෙනෙත බිය ලතැවුල එකසේ...!
පොද වැසි නොලද පොලොවේ උණුසුම බාවා..!
බිඳ අකුණක හඬට මිහිකත ගිණි ලෑවා...!
සිඳ නියඟයක අනියත බිය දුරුවූවා...!
අද ගං දියට ගම්බිම් හැම බිලිවූවා...!
නව හිරු රැසින මිහිකත මිහිරෙන් නාවා...!
තව දවසකට රන් කෙඳි සයුරට පෑවා... !
සුව සම්පත රැගෙන සව්සිරියෙන් බෝවා..!
"තිසරණ සරණ ලැබ" රැකවරණය දේවා..!
2025.10.29
කවිය බලන්න
