සිතුල්පව්ව සුපින් බිමට
බැති මී බිඳු කැළතීගෙන
සඳ තැටියෙන් කිරි ගැලුවම
සිතුල්පව්ව වෙහෙර හැඩයි
එ'පැන් කඳින් ගත දෙවුණම
ගණ්ඨා නද රැව් දෙන විට
සාධු කියවුණේ නොදැනිම
තරු නෙතකින් කඳුළු වැටුණි
සැදැහැ සිතම හිරිවැටුණම
සුදෝ සුදට නෙළුමක් දී
නමදින්නට පාළු අතට
එදා ඔබත් නකුල මවක
වූ රඟ මගෙ මෙ'භව මගට
පුදා දෙදෙන හා සෑ ළඟ
නිවන පැතූ සැණින් රුවට
නඳා හැඟුම් වැසි ඉහුණා
සිතුල්පව්ව සුපින් බිමට
හෝමාගම