කුසුමේ.....
ඉද්ද මල් නුරුස්සන
ක්රෝටන් පැල වලට වතුර ඉහින
බොරළු පටු පාර නොඉවසන
ලන්දේ පාරේ ගමන් බිමන් යන
රතු බිංදු ගවුම් අඳින
කුසුම් නොදරන කුසුමේ.....
පෝයට රේඩියෝ බණ අහන
කන්දේ දේවාලයත් මග හරින
ඉඳහිට කවිත් ලියන
පත්තරය නොවරදවා බලන
පැණි කැවිල්ලක් හදාගෙන
හිච්චි පැංචන්ට බෙදන කුසුමේ.....
කුසුම්සිරි එන තෙක් මග බලන
උණු දියෙන් සනහා සතපවන
ගිරවියක මෙන් දොඩවමින
අලුත් ආදරයක් දවස ගානේ බෙදන
කුසුම් නොදරතැයි ළත නොවන
කිරි සිහින දකිමින් සුවසේ නිදන කුසුමේ.....