ගොඩපර සෙල්ලම්
අක් වැස්සක්වත් නැති ඉඩෝරය
දරා ගැන්ම තරමක් අසීරුය ...
ගොඩපර සිසිල විඳින්නට සිතා
වත්ත පහළට ඇවිද යමි
රුක්ෂය යටට පැමිණි විගසින්
මා හිස මත පතිත වී විසිව යන
ගොඩපර ගෙඩියක්
බම වැටී පල්ලම දිගේ දිව යයි
අවපැහැ ගැනුන කුඩා ලී පිත්තක්
මෙහි ඇති බව දකින සැනින්
එදවස ආ කොලු කුරුට්ටන්
සෙල්ලම් කර සතුටු වූ අයුරු සිහි වේ
පාත පොකුරකින් ගෙඩියක් කඩා
උඩ දමා පිති පහරක් දුන් පසුව
ගස තුළින් සටසට හඬක් නික්මී
නීල කොබෙයි යුගලක් ඉගිළ යයි
21.08.2025
කවිය බලන්න
