මතක සුවඳ
වැහි වැටෙන මිදුල කොන කඩදාසි ඔරු යැවු
වැසි වසින හැන්දෑවේ තෙමෙන්න ට මග දිවූ
ජිවිතේ සිහින ළග මතක මන්දිර මැවූ
සොදුරු වූ සිත්තමකි මා විසින් මා සෙවූ.....
.මල් වැටුණු රැළි ගවුම එක රටාවට මැසු
බොරළු මාවත පුරා පා පොඩිති ඉකි ගැසූ
නෙක රටා නොමැතිවූ කොණ්ඩයට මල් ගැසූ
මතකයට පෙම් බදිමි සිහින ළග නෙත් වැසූ..
කාලයේ වැලි තලය පහුරු ගාමින් බැලු
බොඳව ගිය දෙනෙත් යුග මැවේ කදුලැලි සැලු
ලද දෙයින් සැනසෙමින් හිනා කැකුලක් සැලු
හිමි නොවූ මතක පොදි කෙතරම් ද හද සැලු
19/07/2025
කවිය බලන්න
