පොරොන්දුව
විහිදෙයි කිරි සුවඳ මුළු මාලිගය පුරා
ඇවිලෙයි හදෙහි සෙනෙහස් ගිනි පබළු ලතා
කිම් අන් සැපත පුතුගේ මේ බොළඳ සිනා
ඉල්ලාපන් පුතේ මොනවද ඕනෙ කියා
කැරකී නටන සොඳ සුන්දර බෝනික්කෝ
ගී කිය කියා නටනා පොඩි බට්ටිච්චෝ
වේගෙන් එහෙ මෙහේ ඇදෙනා රථ පොඩ්ඩෝ
නොව අන් දෙයක් ඉල්ලමි මම හද බැන්දෝ
දැවෙනා සිතට නිවෙනා මග සොයාගෙනේ
ඒ මග ගොසින් දිලිසෙන මුතු පබළු වගේ
සොයලා උතුම් දායාදය විරිය ගෙනේ
ගෙනැවිත් දෙනවාද මාගේ පියාණනේ
දල්වා සඳ පහන් සිළු හද ගුවන අරා
නිම්මා නොමැති ගනඳුර හැර දමනු නියා
සම්මා සම්බුදුන් වෙන්නට පෙරුම් පුරා
නේරංජනාවෙන් සෙනෙහස ගලා ගියා
ශ්රී ජයවර්ධනපුර සරසවිය
Whats app - 0713527143
කවිය බලන්න
