බොහොම සුන්දර හැඟුම් ඇතිරුව මගේ හදවත තැනිතලාවක් ඔහොම ඈතින් ඉන්නෙ කොහොමද හිතාගන්නට බැරි මුළාවක් කොහොම හරි මග හොයා ගන්නට එවනවද මට බට මාලිමාවක් ලොවම පීරා සොයා එන්නම් දකින්නට සුසුමක නිමාවක් සිහින කැන්දන රැයක හිනැහී ගසක එතෙනා සේ ලතාවක් ඉහින හැමතැන ඉබේ පැලවන මලින් උපදින මුදු හිනාවක් වහින හිරිකඩ හීතලේ ඇති මගේ ලෝකේ නුඹ ඉනාවක් කිරන බෙදමින් දුරින් බැබලෙන සුදෝ නුඹ මට රැයෙ දවාලක් බිඳෙන රළ වෙරළේ හැපීගෙන අදින විට කිරියෙන් රටාවක් රිදෙන හදවත හිනා වෙන්නේ සිහි කරන් නුඹ කී කතාවක් ඉදෙන බත සරි කරනු වස් ගිය එතෙර රැකියාවත් සුරාවක් විඳින නොවිඳින ජීවිතය ජීවත් කිරීමත් අද කලාවක් AnA 2022