අත සැපීම...!

අත සැපීම...!

දක්ෂිණී සාවිත්‍රි ප්‍රනාන්දු ද සිල්වා දෙහිවල

කන්න දුන් අත සපන බව ඇත අසා සැම, පොඩි කාලයේ... මෙන්න බලනුව එවන් දසුනක් ගැලපෙනා ඒ තාලයේ... දුන්න කල අප උදව් යම්කිසි අයෙකු හට ලෝ ගෝලයේ... පන්න පන්නා සපන්නේ මේ ලෙසිනි, නෑ තෙත ඒ ලයේ... කිරි පෙවූ නයි දස්ට කළ බවකුත් ඇතේ නිතරම අසා... තිරිසනුන් හට සිතනු බැරිකොට සමා දිය හැක ඒ නිසා... සිරි මවා සිනහා පපා එන මිනිස් කැල කරතත් ගොසා... නරි වගේ හැසිරෙනා කලනම් එපා වනවා හද නසා... මුලින් පානා සෙනේ කෙලෙසද වෙනස් වන්නේ , එක සැනේ... දලින් විස පිට කරන අයුරින් දොඩවමින් එහෙ මෙහෙ වැනේ... කලින් කල ඒ පැහැ වෙනස් වන රෝගෙකින් පෙලෙනව දැනේ... තුලින් හද පැන නගින්නේ දුක සිහි කැඳවමින් වැදි, ඇණේ... දක්ෂිණි සාවිත්‍රි ප්‍රනාන්දු ද සිල්වා. දෙහිවල . Attachments area
කවිය බලන්න