හඳ ඇවිත් ඉඳහිටක එබෙනවා දවාලක ඵල වුනත් අතු අගක පිරෙනවා අවාරෙක තුටු වෙමින් ලස්සනට ගෙතී යන කතාවක අත ගගා සොයනු කිම රිදුන තැන් අතීතෙක කොළ හැලී ඉපල් වුණු තුරු මුදුන් අග සරත් මල් පිපී මදනලට හාදු දී කල වසත් හැපි හැපී කියන කොට පෙම් කතා බිඟු ඇවිත් හිත රිදී හොයනවද ගිලිහි ගිය පත් යළිත් වළලලා බිඳුණ තැන් ලෝකයෙන් හංගලා ගළපලා කැඩුණු තැන් තක්කෙටම නොසොයලා ගල ගලා යන ගඟක් ලෙසට සමුදුර බලා හිනැහිලා සිටියොතින් හදම යයි සැනසිලා Photo Credit: Joshua Earle