ආදරේ ගාව උන් හෙන මෝඩයි.......
පවුරු වැටුණු දා
හරි හයියයි හිත මගේ
තම්බන්න බෑ මාව
ගෑණු කිව්වේ එහෙමයි
පරිනතයි කියලා හිතාගෙන...
ඒත් මොකද වුණේ?
සිනහවක් ගාව
නතර වෙනවා පටගාලා
වයස අමතක කරලා
අහුවුණා උන් මෝඩයි...
රැවටුණු පරිනතකම
අත්දැකීම් මිටි බැඳන්
පරිනතයි කියලා මවාගෙන
තම්බන්න බෑ කිව්වට
උන් තැම්බෙනවා ආදරේ ගාව...
ඉලක්කම් ලොකු වුණාට
හිත හරිම පොඩියි
අහුවෙන්නෑ කියපු උන්ම
අහුවෙනවා ආයෙමත්...
මෝඩයි උන් මෝඩයි...
හිතුවක්කාර හිත්
ලෝකෙට පරිනතයි
අල්ලන්න බෑ උඹට
ගෑණු කිව්වේ එහෙමයි
හයියෙන් පපුවට ගහගෙන...
ඒත් එක බැල්මකට
ඉලක්කම් දියවුණා
වයස පැත්තක තියලා
අහුවුණා උන් මෝඩයි
ආදරේ ගාව උන් හෙන මෝඩයි...
කවිය බලන්න
