වැටෙන තෙත කඳුළු කැට නෙතු අගින් ගිලිහිලා
දවන විට සියොළඟම බිංදුවක් තැවරිලා
විඳින දුක් අම්මලා රහසින්ම ඉවසලා
දකින කොට හිතෙනවා මට යන්න සැඟවිලා

ගිලී ගිය මුව මඩල මත කඳුළු පිරුණු ඇස
හැලී ගොස් කෙස නැතුව දිලිසෙනා තට්ට හිස
රිදී නිති ඇදුම්කන ගතම ගොස් දියව මස
ඉඳී මා ඇහැරවා රැයට වී මිතුරු පස

හිනාවක් ගෙනෙන්නට අවැසි නම් ඔය මුවට
දෙපාරක් නොසිතාම කරමි කියනා ලෙසට
සිතාගෙන අළුයමම එන්න පෙර යළි ළඟට
ඔතා සුදු රෙදි කඩක මල් කැකුඵ යති දුරට