විශාලාවක්

විශාලාවක්

ගාමිනි හේරත් Seychelles 2022

දෙවියනි ඔබ කොහෙද සත් සමුදුරින් එහාද දෙවි බඹුන් වෙසෙන ලොවකද තවම ජීවත්ව සිටීද සුරසැප විදීද ඇස්කන් නොපෙනේද දිළිදු කම ලොව වසාගෙන බොරුව හොරකම රජවීගෙන නැත්ත ඇත්ත ලෙස මවාගෙන ගලා යයි වතුර මිටි තැන් සොයාගෙන මිනිසුන් මරා රජිදුන් බල රකින්නේ නොමැරී මැරී දිළිදුන් දිවි ගෙවන්නේ ඇත්තෝ ඇති දෙයින් දිවි රස විඳින්නේ නැත්තෝ නෑ කියා කාටද දුක කියන්නේ සුචරිත ලෙසින් දුසිරිත් වෙස් ගන්වන්නේ මිතුරන් ලෙසින් එන්නේ සතුරන් වන්නේ සුදනන් ලෙසින් දුදනන් බණ දෙසන්නේ උගතුන් ලෙසින් හිස් කළ ගෙඩි සැලෙන්නේ පරිසර මෑණියෝ හැමදාමත් කෙලෙසෙනවා දරුවන් වැදු බුදු අම්මලා තනිවෙනවා දුක් ගන්නා රාළලා දුක දැක සැඟෙවෙනවා උස් මිටි කම් බලා නීතිය කිච වෙනවා
කවිය බලන්න