සැළමුතු පෙම (කවියාගේ බිරිඳ )

සැළමුතු පෙම (කවියාගේ බිරිඳ )

නිශ්ශංක දිද්දෙණිය

නුඹ පද පෙළකි කවියකි කිසිදා නොලියූ නුඹ සිතුවමකි තෙලිතුඩ කිසිදා නොදුටූ නුඹ රිද්මයකි නළුවක රැඟුමක නොරැඟූ නුඹ මගෙ පියබඳ ඒ සැම රස පහස මැවූ දෑඟිලි බැඳි හුයේ රැස් වියැකෙන විට ගෙල බැඳි මාල උකසේ දියවෙනා විට වැදුමව් විරසකය දිවි මග කැළඹු විට මව් බිරිඳක් වුණේ නුඹ මා තුරුළු කොට හැරයන ඥාති මිතු පිහිටක් නොලඹාම ගිලිහුණු කිතු ගොසට ලොබ බැඳ නොහඬාම ගේදොර වෙලාගත් හැමබර උසුලාම නුඹ සැනසුණු සැටි ද මට දී සැනසීම
කවිය බලන්න