හිත ගිය තැන හෙවත් අමුතු වැස්ස

හිත ගිය තැන හෙවත් අමුතු වැස්ස

නිශ්ශංක දිද්දෙණිය

පැල් බැඳගෙන වහින වැස්ස අවට වෙලාගෙන ඇති සැටි දවස ම අල්ලන පාටයි ඒත් අපේ ගමේ ගෙදර පොල් අතු වහලෙන් බේරෙන වහින වැස්ස නෙවෙයි මේක "ගියාට ගම හැරදාලා ඉගෙන ගන්න සිදාදියට අපි අමතක වෙයි අයියට" වැස්ස කපාගෙන මතුවෙයි කොමල සොඳුරු නෑනගෙ රුව "හැම තිස්සෙ ම වෙන ලෝකෙක මං බැලුවේ කොහෙද කියල ජනේල වීදුරුව කඩල ටොක්කක් ඇනගෙන ඔලුවට පුටුවෙන් නැගිටල හිටගෙන බැලුවා නං හොඳට පෙනෙයි කවදත් නැති අමුතු වැස්ස මේ.....ඕයි! සිලින්ඩරේ ගෑස් ඉවරයි ; කන්ඩ නෙවෙයි වෙන්නෙ රෑට" ඩල්සිගෙ ගෙරවුමත් එක්ක නැඩ හෙණ පතයක් ගුගුරා විදුලි ඉරක් දිස්නෙ දුන්නෙ යා කරමින් ඈත-මෑත
කවිය බලන්න