විසි එක් වසක් ගතවිය ඔබ ළඟ නැතුව
අද ඊයේ වගෙයි මතකය මා සතුව
හැමදෙන එකට විසුවත් අප එකමුතුව
යළි ඔබ නොඑන බව දන්නෙමි සැක නැතුව

තුරුලේ සැතපිලා ලැබගෙන සැප නින්ද
බද වට දැවටිලා ආදර සුව වින්ද
සුරතල් තෙපුල් කියමින් රස මන නන්ද
මව්තුමි ඔබයි අප වෙනුවෙන් දුක් වින්ද

මනුලොව අතැර පියතුම වෙන් වූ දවසේ
ඔබගෙන් ලැබිණ දිවියට අරුතක් නිසිසේ
මව්තුම ඔබව සිහිවන විට මා මනසේ
කදුලක් නෙත නැගෙයි ලොව සැමටම රහසේ

මතු අත් භවේ ඔබ කුසයෙම ඉපදේවා
දුක නැති මගේ යන්නට පින් පෑදේවා
මෙත් බුදුරදුන් පා මුල දුක දුරුවේවා
අජරාමර උතුම් නිවනින් සැනසේවා...!!!