සිතක සිතුවිලි බොඳව
එළි වෙනව රෑ වෙනව සතියෙ දින ගෙවෙනවා
මැලි කමට බෑ ඉන්න වැඩ ගොඩක් තියෙනවා
හැලි වලන් හෝදනව ආයෙ එහි උයනවා
කෙළි කවට නෑ වදන් දුර බණුව කොටනවා
එදා කටු මැටි ගෙයක සිරිය හද මැවෙනවා
මෙදා මහ මන්දිරය පාලු වග දැනෙනවා
බදාගෙන මිළ මුදල් පසු පස්සෙ දුවනවා
සදාකල් වැජඹෙන්න හිතාගෙන ඉන්නවා
සඳු අහසෙ තනිවෙලා තරු දහස සොයනවා
හැදු වැඩුව දරු පැටව් අතැර ගොස් සිටිනවා
පිදු සෙනෙහෙ අඩු නැතුව හද පතුලෙ පෙළනවා
කඳු උසට තිබු සිහින බොඳ වෙනව දැනෙනවා
කවිය බලන්න
