ශුද්ධ නගරෙ ආගන්තුක සිඟන්නිය
වෙරළාසන්නයේ නිතර දැකිය හැකි
මෙම ශුද්ධ නගරෙ ආගන්තුක සිඟන්නිය
රළ වදින ගල්පර තුල වැදී සැඟවෙන විලස
කොයි කාටත් දනවයි විමතිය කුතුහලය
මිතුරු සුනඛ රැල කුසගින්නේ හැඬු දිනෙක
සොරකමක හසුව ඇය පෙර කළ කරුමයට
මුගුරු පහරකින් මිහි තලයට වැටී සිට
දිව යයි හිසින් ලේ කඳ රූරා වැගිරෙද්දී
පුන් පෝදා රෑක සමුදුර යන ධීවර පිරිසකට
දිස් වේ පාවෙමින් හිනැහෙන තරුණ කතක්
ප්රාතිහාරයක් ලෙස සලකා හදපිරි බැතියෙන්
ලං වෙන විට ඇය දිය ගැඹරට පැන කිමිදේ
නෙක පුවත් ලැව්ගිනි සේ පැතිර යන විට
ආශිර්වාද පතා දසතින් දනන් මෙහි ආවත්
ඇය කිසි දින නොදොඩයි එක වදනක්වත්
සාන්තුවරියක් ලෙස මුනිවත රකිනා
* කන්යා කුමාරිහි විසූ මායම්මා නමැති කාන්තාවක් පිලිබඳව
අන්තර්ජාලයේ දුටු කරුණු ඇසුරින් කළ නිර්මාණයක්
10.09.2024
කවිය බලන්න
