තබා හිස උර මත නිදන විට නුඹ නොදකිමි සිහින මම නොනිදමි මම දිවි ගෙවමි සැබෑ මොහොතක තබා හිස උර මත නිදන විට නුඹ ගනිමි නුඹ හිස බර මතු නොව නුඹ හදෙහි හැම බර සෙනෙහසින් එහෙත් නුඹ අවදිව යළි බලා ඔය දෙනෙතින් සෙනෙහසින් මදකට මා ළඟ රැකවරණයට තැබූ රැගෙන යයි ඒ බර යළිත් නොවිමසා කිසිවක් නිහඬවම සිටිමි මම නොකියාම මා සිත උකටලීවම නොඉල්ලා ඒ බර බෙදා ගන්නට යන තුරුම නොපෙනී නුඹ යළිත් හෙට එන තුරු හිස හොවා නිදන්නට මා උර මත එතෙක් සිහින දකිමි මම බෙදාගන්නට නුඹට වැඩි බර ..... (මාර්තු 8 කාන්තා දිනය නිමිත්තෙන් මාර්තු 9 සිහිනයෙන් අවදිව ලියමි) තුරු හිසින නික්මී කාව්‍ය සංග්‍රහයෙන් - 2023