හදවත පැලුනු සඳ කුමරිය

හදවත පැලුනු සඳ කුමරිය

වෛද්‍ය කමල් විතාරණ කොල්චේස්ට - එංගලන්තය

ඉරයි හඳයි එක අහසෙම සිටියාට ඉර බැස යයි සඳ අහසට ආවාම විරසක වී වෙන්වන්නට සිතුවාට තරු පැටවුන් ගැන මොහොතක් සිතුවාද වටකරගෙන තරුකැල සඳ සිටියාට ඉකිගසමින් හඬනාහැටි දුටුවාද ඒ කඳුලින් මහ පොලොවත් තෙමුනාට හිරුට දැනෙන්නට හදවත නැතුවාද අකුනු ගසන හඬ මොකොදයි බැලුවාම සඳට කෑගසන හිරු මම දුටුවාය විදිලි කොටන හැටි හිමිහිට බැලුවාම හදවත පැලුනු සඳ කුමරිය පෙනුනාය
කවිය බලන්න