හැදූ මව

හැදූ මව

හේමා ඩෙප් ලන්ඩනය

මං පුංචි දවස් වල - මගේ පසු පස්සෙන්ම හිටියෙ මට ලං වෙලා - මගේ ලොකු අම්මාය ආදරය කරුණාව - වගේ ගුණදම් වලින් ඇය ඉතා පොහොසත්ය - කියා මට කිවහැකිය තනිකඩව හිටියාට - ඇයට තනිකමක් නැත උදෑසන නැගිටලා - මගේ මුව දොවාලා කිරි ටිකද පොවාලා - ලස්සනට අන්දවා නලල මැද කළු පාට - තිලකයක් තබාලා ආදරෙන් සෙනෙහසින් - ඇගේ උකුලට අරන් මගේ හැඩ බැලූ හැටි - අදත් සිහියට නැගේ මහන්නට ලස්සනට - කරන්නට ගෙත්තම්ද ඇගේ මුළු ජීවිතය - හැම අතින් බැබලුනේ හිතන්නට බැරි තරම් - ඇගේ දස්කම් මතය ගමේ පොඩි කෙල්ලන්ට - ගවුම් පොඩි මසාලා අන්දවා හැඩ බලා - විදි සතුට අපමණයි මා ඇගේ මැණික යැයි - සැම විටම පවසලා මගේ මුව සිප ගත්තෙ - ඇගේ මුළු ලෝකයම මා මිසක් වෙන කෙනෙක් - නොවන බව කියමින්ය මා ඇගෙන් ලබාගත් - සෙනෙහසක මහිමයද මගේ මුළු හදවතෙහි - සදාකාලිකව ඇත සෑම මසකට වරක් - බුදු සමිඳු ඉදිරියේ මල් පහන් දල්වලා - සීලයක පිහිටලා අපේ හදවත් වලත් - ගුණ දහම් පුරවන්න මහත් ආසාවකින් - ජීවිතය කැප කලේ ඇගේ මුළු හදින් බව - මගේ සිහියට නැගේ කුස්සියේ පාලනය - ඇගේ තනි මතයටයි සේවකයො පිරිසගෙන් - ලබන සහයෝගයයි ඇගෙ අතින් නිමවෙන්නෙ - රසම රස බෝජනයි ඇගෙ අතින් බත් කවා - මිස මාව සනසන්න මගෙ මවට ඉඩ නොදෙයි - අයිතිකරු ඇය කියයි මා කොතෙක් කෑවත් - හොරෙන් ඇය ළඟ ට ගොස් ඇගේ බත් පිඟානෙන් - මම කටක් නොකෑවොත් මගෙ බඩට මදි බවක් - හැමදාම දැනී ඇත ඒ ඇගේ ආදරය - මට ලැබුණ සම්පතයි කොහෙ ගියත් ඇය යන්නෙ - මගේ මුව සිප ගෙනය දඟ නොකර ඉන්න යැයි - සෙමින් මතුරා ගෙනය මා කරන හොර වැඩත් - අම්මාට නොකියන්න වග බලා ගත් මගේ - එකම යෙහෙළිය වුනේ මගේ ලොකු අම්මාය - මා හැදූ අම්මාය ....
කවිය බලන්න