ප්‍රශ්නයක් නැගූ විට
පිළිතුරක් ඉස්සුනා
පොඩි අතක් ඉස්සුනා.....

ඉදී රතු පාට වුන ගහක කොළයක් මෙනා
පොඩි අතක් පණපෙවී සෙලවෙනා
කන්ද උඩ දිය බුබුල විලසිනා
ඇඟිලි තුඩු බුද්ධියෙන් බැබලෙනා
පොඩි අතක් පණ පෙවී සෙලවෙනා - සෙලවෙනා
නිරන්තර මා සිතේ රඟදෙනා

පොඩි ළමයෝ
පන්තියේදී ඉස්සූ අත

පෙරමුණ යන අත් වැලකට තව අතක්ය
හෙට දවසේ ඉරුට පුදන මල් දමක්ය
අලුත් ලොවට උඩු සුළඟේ කොඩි වැලක්ය
අතු අග පලවැල සොයන්ඩ ඉනිමගක්ය
නිවී අඳුරු දිගු ගමනේ ගිනි සිලක්ය

පන්තියේදී ඉස්සූ අත
පොඩි ළමයෝ
මම සිඹිමී.