සඳ හැංගී ගිය අමාවක දවසක
අනන්ත ග්‍රහ තරු දිලෙන රෑ මැදියම
පටු දේශසීමා නොමැති හිස් අහසක
ග්‍රහ යුද්ධයක් සිදුවිය දෙදරවා නුබ ගැබ
ඇසුනි දසතින් අසණි සෙණ අවි පුපුරනා හඬ

එක් කුඩා තරුවමියක් අහිංසක
වැදී මිසයිල් පහරක් බිඳී හදවත
කඩා වැටුනා හිමාලය කඳු මත
දැවෙන උල්කාපාතයක් විලසින
දෙදරවා මෙහෙසුරුගෙ කෛලාශ කූටය.

මෙහෙසුරු තෙමේ රැගෙන එය තම දෝතින්
තැන්පත් කළා සුරැකිව අති මහත් බැතියෙන්
මිනිසත් වගට මතුනොව සව් සතට අදරින්
පෙම් කරන එක් කුඩා මිනිසෙකුගෙ නිතියෙන්
සුවිසාල හදවතේ සැමදා දිළෙන විලසින්.