බිඳෙන් බිඳ හිස්වෙනා මධු විත
පිරවිය හැකි නමුදු යළි යළි
දිනෙන් දින ගෙවෙනා වූ දිවි මල
පරව යයි ප්‍රමුදිතව නොම යළි

සෙමින් දිව යද්දී රස මධු
ගත නහර පුරවාන සැළි සැළි
වයස අමතකව සිතිවිලි
නැගෙයි සඟවාන සම රැළි

නග්න අඩවන්වු නෙතු යුඟ
බොඳකර දසුන් සියුමැළි
විඩාපත් මහළු ගත සිත
පුබුදුවාලා මවයි හසරැළි

මත් වී තිරිහන්ව නින්දට
ගියද තරුනකුව හැඩිදැඩි
පසු දා අවදි වී බැළු සඳ
හොල්මන් කරයි මහළු සෙවනැළි....