සිසිල් දිය රළ අතර පිහිනා
ලෝල බස් ඉඟි මරා කියනා
මින් රැන් ගී ගයන දියඹට
ඉහළ හිරුගේ කිරණ සරනා
සොබා දම් වීණාව නද දෙන
ලොවේ පිළිහුඩු හඬද ඇසෙනා

පිච්ච අරලිය නා මලින් පිරි
වන අරණ විහිදන සුවඳ මැද
දොළක සිලි සිලි හඬින් පිබිදී
පිපී සුවඳින් සුළඟෙ වැනෙනා
ඕලු මහනෙල් නෙළුම් අතරේ
ගිඩාරන් මල් ගඳත් දැනෙනා

හදින් හිනැහී දුක දරාගෙන
කෘස දරුන් ඇකයේ ගසාගෙන
දැත් කරගැට පැලී ලේ එන
සමාජය නගනා කෙඳිරි මැද
වාසලේ මන්දිරේ නටමින්
සවන් කම්පන තාල වයනා

සා පැටව් මුව පැටව් කෙළිනා
බටිචි ලිහිණින් නළා වැයෙනා
හරිතබඩ සිසිලසම ගලනා
දොළේ ගඟුලේ වැවක සයුරේ
ගෙඹිද ඉබි මින් රළ හඬද්දී
උකුස්සන් නුබ ගැබේ සරනා