කුඩා සිඟිත්තියකගෙ
කෙහෙ රැළි කඩා
තෙල් බිඳක් දමා
කොණ්ඩ කරලට ගොතා
හැඩ බලන...
ආදරේ යැයි කියන...
පියෙකිය
ගීතයක....කවියක සිටින

ඔහු වැනිය හැම ඉරියව්වක්ම ඇගේ...
හුරතල් මුහුණක්ය
පියකරු සිනහවක්ය
වටකුරු ඇස් දෙකක්ය
ඈ සතුව

අප අතර පවුරක්ව අහුරන්න
ඒ පුංචි ඇස් දෙකට පුලුවන
පුදුමයි
මට ආදරේ හිතෙන්නෙත් ඒ ගැන
ඇය තමයි අපි වෙන්කර තබන වෙඩිල්ල

ඔහු
මා කියවූ අගනාම
සුරංගනා කතාවක
ජීවමානව සිටි
හොඳ පියෙක්ය
මගේ දෝණිගේ නොවන