කඩුපුල් මලක පෙති
මත පිණිබිඳු විසුල
පැහැදුල් සඳ කුමරු
වී සිතුවිලි අතුල
මනකල් හද විලක
සුව සුසුමක උඳුල
හැමකල් ඔබ හිඳී
මගෙ හදවත පතුල....

අරුණට පෙර පෙති
රැස හකුළුවා ගමි
ලොවටම සඟවමින
පපුතුර හොවා ගමි
සුසුමක ඉසිඹුවට
හෝ හැර නොයමි
සසරක පුරාවට
ඔබ හා බැඳෙමි....

ඉර සඳ සයුර නුබ
මඳනල හා රැඳුණ
ලොව පොබ කරන....
නෙක සැමදෙය
හා බැඳුණ
ආදරණීය හදක
සිතුවිලි එකතු ව
ඔප නැඟුණ
ඔබ සුදු පියුම
සැමදා මාහා
රැඳුණ....

- නදීශානි හේරත් -