ලොවැ විහිදා සුදු පැහැ සඳ රැසෙව් සැදි
දෙන නොමඳා සිරි සඟ මොක් සැප නිසැදි
ලද මුනිදා දම් කඳ පහස මන බැඳි
වඳු දළදා හිමි තෙමහල් පහයෙ රැඳි

සඳරැස් වැනි ධවලමය බුදුරැස් ලොව පුරා දසත විහිදුවන්නා වූ
නිතරම බොහෝ ආකාරයෙන් දෙව් ලොව සම්පත්තිය හා නිවන්
සම්පත්තිය ගෙන දෙන්නා වූ බුදුරජාණන් වහන්සේ ගේ සිතෙහි
පවතී ධර්ම ස්කන්ධයෙහි පහස ලැබුවා වූ තුන් මහල් ප්‍රාසාදයෙහි
වැඩ සිටින දළදා ස්වාමීන් වහන්සේ වඳින්න.
(තුන් මහල් ප්‍රාසාදය කෝට්ටේ යුගයෙහි ය)