වීදුරු ගැටෙන හඬ
කිංකිණි සිනා හඬ
මදු විතෙන් බමන හිස
ගත අතැර දුවන සිත

රස අහර පිරි ලොවක්
ගතට සුව දෙන ලොවක්
දුක සෝක නැති ලොවක්
වැනිය මෙය සුර ලොවක්

මදු විතෙන් වෙලාගත් සියොලඟම නිරතුරව
ඉඳුරන් ද අඩපණව අයාලේ දුවන සිත
සැහැල්ලුව නොම දැනේ ඛයියාම් කී විලස
මේ මොහොත ගැන සිතුම නොහැක එය පිළිපැදුම

පාව යයි මව් බිමට
මදු විතෙන් බරවු සිත
සෝක සංකා ගෙනේ
තතු නිබඳ සිහිපත්ව

ඛයියාම් නොහැක මට
පිළිගන්ට ඔබ කියුම