නීල දෑස නිල අඩුවද
දෙතොල් රතට රත මදිවද
රොන් දුන් මල්වල ඉතිරිව
රොන් නැතිවා දෝ

රොන් සුවඳට ඉව අල්ලා බඹර පෙළ
දෙසුවද මුසා බස් ගත සිත සසළ කළ
රස විඳි තරුණ සමනලයින් නොඑන කල
අඩුවේ දෝ ඒ මල වට බඹර කැළ

දුන්නත් වේදනා මී මැසි දළ කුරිරූ
සිතතිය අනුන් ගැන රොන් ගත් විට මහරූ
සිත් බැඳුනත් දැක උන් නෙක නෙක රුසිරූ
සමනලු ගත්තු පැණි ගැන දන්නේ කවුරූ

ගායනය ; ශෂිකා නිසංසලා
සංගීතය ; නවරත්න ගමගේ

(නිකුත් වීමට නියමිතය)